الوصيـــــــة

( الوصيـــــــة )

وسكن آل صباح كاظمة واللي تحول اسمها لكويت .. وصار صباح الأول أول

شيخ للكويت سنة 1756 واللي ما صدق نفسه انه صار شيخ بعد سلسلة طردهم

من مكان لآخر وبعد رحلة العذاب المكللة بالبوك والشعوذة والفتن والمؤامرات

الخبيثة .

وبما أن آل صباح حبوا انهم يكون لهم كيان مستقل عن بلاد الرافدين والجزيرة

العربية قرروا انهم يبنون سور الكويت حولين مشيختهم ( الكويت ) وحلفوا ألف

حلفان انه ما يدخلها واحد شريف .. وحلف الشيخ صباح ألف حلفان انه ينتقم من

كل اللي طردوه وعذبوه فكان يعتبر انه السور اللي بناه هو مثل سور الصين

العظيم وسماه بسور الكويت العظيم اللي ما تشوف حوليه الا الفيران والجريدية

واللي ما تسمع منه الا أصوات الحشرات والصراصير !!!

كشخ الشيخ صباح بمدينته الكويت وصار عنده مركب رولز رايس يصيد بيه

السمك وأحيانا يروح بمركبه للباخرة البريطانية الراسية بالقرب من الكويت ويسهر

وياهم هناك ويرجع بوجه الصبح متنوطح وصاير طينة .. وكان دايما ينسى عكاله

في الباخرة البريطانية لما يسهر وياهم علمود هيج صار يشتري الشيخ صباح دايما

عكل من السوق صناعة انكليزية فاخرة .. ويقول المؤرخين ان الانكليز كانوا

يبوكون عكال صباح بالليل ويبيعوله اياه بالنهار والعملية مستمرة على هذا المنوال

وصباح يا غافلين لكم الله .. يظهر انه يعرف انه بكل مرة يشتري نفس العكال من

الانكليز بس هالشغلة عسل على قلبه مقابل أشياء غامضة دا تحصل في الباخرة

نجهل تفاصيلها أو انه المؤرخين مال هذاك الوقت ما استرجوا يكتبوها !!!

استمر الشيخ صباح بفترة حكمه للكويت بسهراته عند عمامه الانكليز ومع تقدم

السن مرض الشيخ صباح وبدت نقط حمرة تظهر على جلده من الجرب وبدون أية

مقدمات مات الشيخ صباح الأول اللي اختلف المؤرخين على سبب وفاته .. فريق

يقول انه مات بالسيلان وما نعرف شنو اللي سال من عنده ووين بالضبط

وهذا كلها بسبب سهراته المشبوهة في الباخرة البريطانية !!!

ومؤرخين يقولون انه مات بداء الكلب بس الغريب ان الكلب اللي عض الشيخ

صباح مات قبله متأثر بفيروسات صباح لأن الشيخ صباح كان مكلوب أكثر من

الكلب فهو يعض الايد اللي تنمد اله وفي نفس الوقت هو وفي لأصدقائه

الانكليز .. يعني كلب بمعنى الكلمة !!!

مات الشيخ صباح في سنة 1762 .. واجة من وراه ابنه عبدالله ومن ورا عبدالله

جابر ومن ورا جابر صباح الثاني ومن ورا صباح الثاني اجة عبدالله الثاني ..

وكل واحد يجي يطلع ألعن من اللي قبله بس المؤرخ عبدالعزيز الرشيد اللي

يقولون انه هو اللي كتب تاريخ الكويت كان يذكر انه الشيخ الفلاني كان طيب

القلب وشجاع وأمين وتقي وما يخاف من الطنطل وكل الصفات الزينة يخليها بيه

وهذا الأمر كان يكتبه على كل شيوخ آل صباح .. اتق الله يا عزوز هسة شيوخ آل

صباح سويتلي اياهم كلهم أنبياء ؟ يعني يا عزوز ماكو فد واحد من شيوخ آل صباح

شوية يختلف وصاير زنديق ومنحرف عن البقية ؟ خليتلي اياهم كلهم اسم الله

عليهم شجعان وفرسان ؟ ولك علينا ؟

أنا من ناحيتي أظن انه شخصية عبدالعزيز الرشيد اما شخصية وهمية ما الها

وجود .. أو انه ما كتب هيجي تاريخ وانه التاريخ كتبوه اليهود والانكليز .. اوان

عزوز هذا يهمبل وفيوزاته ضاربة !!!

الشيخ عبدالله الصباح ابن صباح الأول حب انه يعبر عن حزنه واخلاصه وحبه

الشديد لأبوه الغير مغفور له الشيخ صباح الأول عند الدفنة كام الشيخ عبدالله

ورفع دشداشته وبال على قبر أبوه الأمر اللي خلى الناس تستغرب من طريقة

التعبير عن الحب والوفاء فالمؤرخ نفسه كتب في كتابه انه الشيخ عبدالله الأول

رش ماي على قبر أبوه الشيخ صباح علمود يطري القبر ويروي شجرة العائلة

علمود تنمو وتفرع ويجنون ثمار هاي الشجرة الخبيثة ( مع كل الاعتذار لأهل

الناصرية ) .. بس المؤرخ ما قال شنو نوع الماي اللي رشه على قبر أبوه علمود

ما تقلده بقية الشجرة وبيني وبينكم هو حب كالعادة يبدل الحقائق !!!

الشيخ صباح الأول قبل ما يموت ترك وصية واعتراف لولي عهده الشيخ

عبدالله .. واللي الشيخ عبدالله من ذكائه الحاد اللي مجد فيه المؤرخ عزوز أصر

انه الوصية تنقرأ كدام العامة رغم تحذير البعض له بأن الشغلة مو هينة بس شنو

تقولون من تياسة الشيخ أصر انها تنقرأ كدام العامة فكانت الوصية كالتالي :

ابني الشيخ عبدالله .. أبي أعترف لك باعتراف خطير جدا بس أوعدني انه هذا يظل

سر بيني وبينك وما تقوله لأي أحد .. توعدني ؟ أعرف انك تيس ومو فهيم وما راح

توعدني وتخلف بوعدك لأن لسانك فالت واذا حبيت تدعبلها تدعبلها تمام .. أوأنا

أعرف انك توعدني بس ما راح وعدك يستمر و ما راح توفي بوعدك لأن هاي

شيمة من شيمك !!!

أولا : أوصيك خيرا باليهود .. وخاصةعمك الكبير مردخاي لأنه هو أبوي

الحقيقي وأنا من صلبه .. يعني لازم تدير بالك على ربعنا اليهود واذا حبيت انه

ملكك يدوم فعليك الاستعانة باليهود لأنهم منا وبينا وخليك بتصرفاتك يهودي ابن

يهودي ابن يهودي من صدك !!!

ثانيا : لا تخلي حياتك فيها ركود وهدوء .. خليها كلها مؤامرات .. فتن .. خباثة ..

حقارة .. دسائس ويا عيني على هاي الدسائس كثر منها .. وكل ما كانت الدسائس

راهية كل ما كرسيك صار الك لوحدك وتثبت فيه أكثر.. ودير بالك تبيع شرف في

يوم من الأيام ترى هالأيام الشرفاء سوقهم مو ماشي !!!

ثالثا : اضرب بيد من حديد كل حركة تصير بالبلد والانكليز الطيبين راح يعلموك

ويفهموك شنو أقصد !!!

رابعا : وهذا فد شي ثانوي وما أعتقد انه هو مهم بالنسبة الك بس للاطلاع على

الشيء .. ترى أنا مو أبوك .. انا أمك